Македонија поздравена од вселената (од @AstroSamantha)

Граѓани и граѓанки на ‪#‎Македонија‬, можеби не знаевте (дека ви сервираа многу поважни вести деновиве), но вчера лично нè поздрави астронаутката Саманта Кристофорети. Оваа „Европјанка со италијанско државјанство“ моментално живее и работи на Меѓународната вселенска станица како дел од вселенската програма на ЕУ.

And happy Saturday #Macedonia! Here's your capital Skopje from #space this morning. Buongiorno Skopje, Macedonia! pic.twitter.com/pnZGrZ6vf2
— Sam Cristoforetti (@AstroSamantha) December 27, 2014

Би било убаво да го пренесете поздравот од астронауткава (да, жена-космонаут, што би се рекло по старомодно) до вашите деца, особено ако се женски. Да знаат до кај може да стигнат, ако не се помират со нашево status quo.

Ова чисто да се потсетиме во кој век живее Европа - XXI, додека нас нè бутаат во XIX, барокниот XVII, Мрачниот Среден, па до III пне. итн. сè до „македонскиот неолит“.