Блекаут

20 November 2008

Десекуларизација: МВР има светец!?

Од една вест за владиката Иларион (оној што се залага жените да немаат право да располагаат со своите тела) дознав дека тој на 8.11.2008 „по покана на началникот на СВР – Штип г. Звонко Каширски, присуствуваше на Патронот и Заштитник на Македонската полицијата светиот великомаченик Димитриј како и на свеченото отварање на Прес-ценатарот на СВР – Штип.“

Немам чуено за реакции на припадници на полицијата што не се православни христијани на тоа што официјални органи наметнале религиозен карактер на оваа институција која треба да им служи на сите граѓани. А башка за реакции од граѓаните и други релевантни тела.

Внимавајте дека има разлика меѓу тоа што во некоја религија постои светец заштитник на дадена професија и тоа институција да си постави светец од една религија. На пример, едно е ако Католичката црква на 1 мај го слави Св. Јосип Работникот (хрв. Sv. Josip Radnik) како заштитник на работниците, а друго е ако што знам, некој синдикат или министерство за економија или труд го прогласи светецот за свој. Со второто јасно се става на знаење дека припадниците на таа организација се припадници само на таа и таа религија.

Иронично е што најголемо дело на одбраниот светец е легендата дека по својата смрт им помогнал на Византијците кои зборувале грчки да го одбранат Солун од Словените од чиј јазик потекнува денешниот македонски. Во македонските цркви иконите најчесто го прикажуваат Св. Димитриј на коњ како победува еден брадест варварин. Потомците на токму тие варварските напаѓачи сепак се населиле околу тој град во доволна мерка за после некој век Св. Кирил и Методиј да го знаат словенскиот јазик - кој не ја знае приказната од „Панонски легенди“, срам да му е, но ова е веќе преобемна дигресија.

Исто така, радо би дознал што мисли владиката Иларион и кој е ставот на МПЦ за појавата жени да имаат проблеми на работа заради тоа што се трудни. Нели би било одлична тема за новинарско прашање?

2 comments:

Anonymous said...

zboris zivi gluposti

Artist said...

Pokazuvas intelektualen dostig na promasena pateka. Pocetnite fakti ti se vistiniti, i toa go koristis da nametnes fakticka sostojba za svoe licno viduvanje. Sepak, vo slucajov ne se raboti za verski opredelbi, iako Vladikata bil prisuten. Ako toj Vladika proseta vo gradskiot park, togas toa e mesto za minuvanje na pravoslavni hristijani? Po tvojata "teorija" , dovolno ke bide da e prisuten nekoj od ministerstvoto za urbanizam, pa da ja imame moznosta da go proglasime parkot za takov, neli? Ne se slozuvam so tvoeto mislenje. Policijata ja vrsi dolznosta, i go sproveduva zakonot ednakvo za site gragjani, a Vladikata go pocituva i podrzuva toa so svojata prisutnost. Mozele toa da go storat i ostanatite verski lideri ili sluziteli.