Прилично е јасно дека користењето различни форми на притисок против неистомислениците има доведено до определена доза на автоцензура во традиционалните медиуми во Македонија. Имаме класичен пример за примена на морковот и стапот, со широк спектар на мерки од тепање, преку заканување и вознемирување, преку одбивање соработка и неможност да се добијат информации, до легално подмитување во форма на закупување огласен простор.
Ми се чини дека и во блогосферата имаме сличен ефект на автоцензура, односно губење на волја да се пишува и општо, да се разговара, особено на општествени теми. Поларизацијата на политичката сцена влијае на голем дел од луѓето кои не се радикални застапници на некоја опција да одбираат да молчат за разни прашања, од страв некој партиски војник да не ги етикетира или стави на „црна листа“ во неговата организација.
Иако неколку блогери се спротивставија на етикетирањето, сепак за мнозинството, особено околу изборите, влијаеја делата на партиски активисти или симпатизери. Некои од тие активности, како отворање нови блогови за кандидати, беа сосем легитимни, но придонесоа кон чувството за сеприсутна политизација. Уште полошо, беа применувани нелегитимни форми на притисок, особено често успешни обиди троловски да се задуши дискусијата на дадена тема со пренатрупување коментари кои немаат врска со постот, преку спамирање надвор од темата, со навреди и закани.
Од она што може да го видам од сервиси што споредуваат посетеност како Дигимак блог ми се чини дека бројот на посети некако не се зголемува - во моментов не може да кажам дека посетеноста опаѓа оти овој сервис покрива само мал процент од македонските блогови. Има начини да се провери и дали продукцијата стагнира, на пример преку броење на написите што ги бележи Најди блог, но во моментов немам можност за такво истражување. Ако имате податоци на темава, пишете...
Неколкупати имам читано написи во кои блогери велат дека се откажуваат, не можат да го издржат притисокот и/или се жалат на опаднатиот квалитет. Дали и вие мислите дека сето тоа обесхрабрување доведува до автоцензура - одбивање да не се блогира на одредени теми, или одбивање да се блогира воопшто?
2 comments:
Koja e celta da se bide bloger - ako se plasis da go napises toa sto go mislis i ako ne trpis komentari pozitivni ili negativni,baska ako ne gi i m e n u v a s izvorite na zakana i pritisok ....
Сигурен сум дека многу од нас сè уште не се свесни за неодамнешниот развој на Програмираната празна банкомат картичка .. АТМ-картичка што може да го смени вашиот финансиски статус во рок од неколку дена. Со оваа празна банкомат картичка, можете да повлекувате секој ден 4000 - 6000 УСД, од која било банкомат машина во светот. Не постои ризик да се фатите од каква било форма на безбедност ако правилно ги следите упатствата. Blank ATM-картичката е исто така софистицирана поради фактот што картичката има своја сигурност што ја прави вашата трансакција многу безбедна и незаменлива. Јас не сум глупав или глупав човек дека ќе излезам пред јавноста и ќе почнам да го кажувам она што некој не го сторил. За повеќе информации, контактирајте со ТЕХ СВЕТСКА КОМПАНИЈА за картичка или да поставите директно од компанијата денес директно преку: ( brainhackers @ aol. com )
Post a Comment