Понови истражувања за користење интернет во Македонија

Од време на време пријатели ми се обраќаат на тема свежи податоци за нивото на користење, односно пенетрацијата, на интернет во Македонија.

• Министерството за информатичко општество има објавено ИКТ-статистки за 2007 година за кои се повикува на Државниот завод за статистика, според кои ако може добро да видам во графиконите, 30% од населението користеле интернет.
  
• Специјалното издание Капитал „Телефонија и интернет“ од 12.02.2009 година (ПДФ) вели: „Според Заводот за статистика, во првиот квартал од 2008 година, од вкупното население на возраст од 15 до 74 години, Интернет користеле 41,5%, што е пораст од 11,8% повеќе во однос на споредбениот период.“
  
• Агенцијата ГФК неодамна објави резултати од истражување според кое процентот на интернет корисници постари од 15 години во Македонија изнесува 50,3%.
  

Овој пост се надоврзува на претходниот на истата тема, кој ги опфаќа истражувањата и документите за состојбите со ИКТ во Македонија направени до почетокот на 2007 година.

Истражувања и документи за состојбата со ИКТ во Македонија

Следи список на квантитативни истражувања и документи од разни извори, поврзани со употребата на ИКТ и изградбата на информатичко општество во Македонија. Подредени се по хронолошки редослед и може да послужат при дебати за пенетрација, ама и за предигра.

Истражувања

• Проектот Техничка поддршка за телекомукацискиот сектор во февруари 2007 објави нивно истражување, во кое е опфатено и користење на интернет.
  
• Во делот „Readings“ на веб-сајтот на Маседониа конектс може да се најдат нивните истражувања на пенетрацијата во Македонија, објавени во мај 2006 и јуни 2007.
  
• Технички услови и потенцијал во радиодифузната дејност во Р. Македонија. Центар за развој на медиуми, декември 2005.
• Каталог за електронски услуги на локалната власт. Метаморфозис и УСАИД, август 2005.
• Употреба на информатичко комуникациски технологии. Државен завод за статистика на РМ, мај 2005.
• Перспективе умреживања: Интернет у 8 градова Југоисточне Европе. Београдска отворена школа, 2004. (на српски јазик)
  
• Користење на ИКТ во граѓанскиот сектор во РМ. Метаморфозис, април 2004.
• Е-управување на локално ниво. УНДП, јуни 2004.
  
• Состојбите со ИКТ во Р.Македонија. Метаморфозис, јуни 2004. Се состои од три дела:
  - Наративен извештај,
  - Употреба, ставови и мислења за ИКТ помеѓу граѓаните во Р.Македонија,
  - Употреба, ставови и мислења за ИКТ во поедини организации во Р.Македонија.
  

Официјални документи на ниво на РМ

• Политика за развој на информатичко општество (ПДФ, 384 КБ), КИТ, 2005.
  
• Национална стратегија за развој на информатичко општество и акционен план (ПДФ, 6.1 МБ), КИТ, 2005.
  
• Закон за електронски комуникации (ПДФ, 665 КБ), Министерство за транспорт и врски, 2005.
• Одговори на Прашалникот на Европската комисија за подготовка на мислење по барањето на РМ за членство во ЕУ (поглавја 17-20, ПДФ), Секретаријат за европски прашања, 2005.
  
• Договор за стратешко партнерство меѓу Владата на Република Македонија и Корпорацијата Мајкрософт (DOC, 59KB), КИТ, 2004.
  
• Е-декларација, 2002.