Што да правите ако по е-пошта ви стигне winmail.dat

Ако како мене користите Тандербрд и ви се случи како атачмент да добиете еден чуден фајл winmail.dat, за кој Виндоуз ви препорачува да пробате да го отворите со Корел дроу, имајте го на ум следното:

Кога корисникот на Аутлук (Outlook) составува и праќа порака со користење на форматите Рич текст или ХТМЛ, Аутлук автоматски генерира датотека со име winmail.dat и ја закачува на крајот од пораката. Оваа датотека содржи информации за форматирањето во формат кој не може да се чита од луѓе, кои Аутлук ги користи при примање на таква порака за соодветно да ја прикаже пораката. За жал, Аутлук е единствениот клиент за е-пошта што може да ги користи овие информации.

Решение: искористете ја програмата WMDecode, која може да ја симнете од www.biblet.com.

Добивање список на фајлови од фолдер под Виндоуз

Како и обично, Гудбајтс објаснува една полезна процедура:

Дали постои начин во рамки на оперативниот систем Windows XP да се направи листа на фајлови кои се наоѓаат во даден фолдер и неговите подфолдери? Да, може со помош на една DOS команда.

Пак за црвените очи

• На Панта реи Гуд бајтс објавил упатство за спречување при фотографирање да добиете „црвени очи“.
  
• Доколку тоа не ви успее, може да го отстраните несаканото црвенило од дигитална фотографија.