Додека ти се чудиш какви глупости слушаш...

…тој што ги кажува ти ги зема парите од џебот.

Или ги троши јавните пари, кои се исто така и твои.

Окно денес објави одличен текст на Копач насловен „Демократска репродукција на дебилизмот или Зошто сме тука?“, за кој гласав на Пинг.мк. Еден мал цитат:

…најдиректен можен интерес на политичките дрматори е да расте бројката на апатичните и аполитичните, оние кои се гадат од политиката, оние кои не сакаат да се дел од политичкиот циркус и оние кои не ни помислуваат да земат некаво учество во јавниот живот, а камоли да гласаат. Што повеќе апатични има, толку помалку работа за партиите во однос на поединци и групи кои треба да ги контролираат, убедат, вработат, потплатат, искорумпираат, навлечат во разни активности и слично. Стеснувањето на обемот на граѓанството кое зема учество во јавните работи е нивен вистински сон на кој, гледаме, континуирано работат.

И додека ние џагориме ли џагориме, и им се смееме на нивните детски расправии и се чувствуваме супериорни, тие продолжуваат да го репродуцираат системот за дебилизација кој им ги зачувува позициите на моќ во општеството. Тивко ни се смеат за возврат, задоволни од тоа како лесно успеваат да ни ги продадат своите ефтини приказни.