Кучиња пуштени од ланец

Нека не ве залаже насловот, во постов не се работи за партиските мегафони, туку за проблемот за кој пишував пред скоро три недели: дозволувањето низ скопскиот Градски парк да се шетаат кучиња без да бидат врзани и со заштитна маска. Дневник решил да го испита случајот…

…и во саботниот број (27.11.2010) има објавено два написи

• Разгалени газди на домашни миленици
• Кучешкиот измет (е) опасен за луѓето

Моето согледување…

Во паркот се возат и мотори, а и за тоа како и за кучињата без заштитна маска немам видено да интервенира полицијата ниту некој од чувариве.

Арно ама, еве јавниве служби ги бркаат младите што спортуваат, како што беа избркани и разни други супкултури…

…е потврдено во првиот напис (мој болд):

Од Градот велат дека инспекторите сè уште не казнуваат, туку само предупредуваат. Згора, сметаат дека имаат поприоритетни комунални проблеми. Не се многу загрижени ниту од Ветеринарската управа, која е во рамките на Министерството за земјоделство, шумарство и водостопанство. Оттаму констатираат дека, главно, се почитуваат одредбите од Законот за заштита и благосостојба на животните.

- Главно се почитува одредбата според која сопственикот треба миленичето да го држи на подводник. Сметаме дека нема потреба од казнување – велат од надлежното министерство.

Се надевам дека комерцијалниве медиуми ќе почнат да ја следат и темата на бркање на младите од јавните простори, која исто така беше зачната во мојот претходен пост.