Блекаут

26 January 2008

Препорака: ТВ програма 2.0

На Комуникации во последно време само редат интересни постови, а ќе издвојам еден меѓу многуте да го искоментирам и тоа оној од Сеад за информирање за програмата на телевизиите преку дигитални технологии.
  • Откритието на одличниот хрватски сајт ТВ Профил кој агрегира информации за програмите на станици од регионот е за поздравување и букмаркирање. Инаку за програмите од кабелска/сателитска досега го користев романскиот Програмул ТВ.

  • Телетекст: и ова е област во која е важна употребливост. Ако имате можност, споредете го телетекстот на ХТВ1, А1, Канал5 и Сител. Нивото на употребливост им опаѓа по тој редослед. На пример, на ХТВ кога ќе се влезе во некоја секција, има можност за претходно-следно на обоените копченца. Кај А1 „менито“ со копченца малце потешко се прилагодува на тековната позиција во навигацијата, но е мислам најдобар македонски телетекст, иако ги нема сите можности во сите секции. Мислам дека вестите е најодржувана. Кај Канал 5, за да се дознае програмата за тековниот ден треба да се поминат неколку страници (да се влезе во дел за програма, па да се одбере денот во неделата, итн.). Телетекстот на Сител досега ми беше целосно бесполезен.

  • Недоверливост: Сител и Канал 5 не ги освежуваат содржините на нивните телетекстови и веб-сајтови за промени во програмата. За новогодишните празници, на Сител требаше да игра вториот Хари Потер и Гладијатор - најавено преку програмата во весниците. Ниеден од нив не прикажаа, ниту имаше било какво известување за промените. Во неделата на Канал 5 не ги дадоа Еднооки во рекламираниот термин од 19:10, туку само пред полноќ. А рекламите одеа до саат време пред терминот...

2 comments:

Anonymous said...

Мрчатори :-).

Anonymous said...

Еднооки беа минатата недела во редовниот термин 19.30 ...најверојатно ги имаш пропуштено за некоја минута