Блекаут

17 April 2006

Анархизам и панк, цитати од 19 и 20 век

.аНТИ во темплејтот на својот блог го има ставено следниот цитат:
„Ниедна теорија, ниеден готов систем, ниедна книга што е напишана нема да го спаси светот. Не се приклонувам кон ниеден систем. Јас сум вистински истражувач.“ - Михаил Бакуњин
Додека извесен Игорче, во својата рецензија на претставата „Купидона“ го цитира Грег Грифин...
... еден од најлуцидните панк-рок текстописци: „Не верувам на самобендисаните луѓе кои што попуваат, ниту една песна (филм, книга, драма...) не може да ви го направи животот комплетен...“, па препорачувам да ја погледате претставата и да одлучите со своја глава - што е и всушност основната панк идеја.
Не е лошо за споредба. Како што веќе имам кажано, панкот има допирни точки со блогерството, а и анархизмот како идеологија доживеа еден вид препород благодарение на интернет.

Не би било лошо .аНТИ ваквите цитати да ги копира и во посебни постови, за потребите на длабинско линкување, со обновување на фељтонот со биографски белешки за значајни, но не многу познати личности од историјата. Бакуњин (1814-1876), на пример, никој ми го нема споменато во текот на моето основно и средно образование, за кое главен настан на 19 век беше Берлинскиот конгрес, додека случувањата надвор од Балканот не беа баш приоритет.

Претставата не сум ја гледал, па не можам да се согласам или да го оспорам мислењето на Николче. Но можам да ги поздравам сите кои се чувствуваат како панкери или оние кои би сакале да искешираат на панкот со песната „Анархија ол овер Баш Чаршија“ од Забрањено Пушење!

4 comments:

Игор Стојановски said...

Далеку дека едни Bad Religion се легитимираат како анархо панк бенд, ама...

Еве и линк до целиот текст од Грег Грифин.... http://www.azlyrics.com/lyrics/badreligion/nodirection.html


А еве и уште два, www.nothingness.org/SI/ и http://www.bopsecrets.org/ од Ситуационистичката интернационла за која сум сигурен дека не би слушнал ни на предавања на Филозофски, а се за мене далеку поинтересни од класичниот анархизам на Бакуњин,Корпокин, Прудон или пак Голдман или современиот анархо синдикализмот.

Можби навистина блогерството го оживува DIY духот на панк рок движењето во доцните седудесети, но има еден мал проблем, а тоа е проблемот на идентитетот и директната акција.

Јебеш „Забрањено пушење“ :))))

Игор Стојановски said...

Извинтете за печатните грешки, господине извесен Повардарец :)))

еве ги исправките : Корпоткин или современ анархо синдикализам. Тука би ја додал и Социјалната екологија на Букчин кој никогаш не ме заитересирал.

Ама за тоа ми се посебно инспиративни Хаким Беј, Ги Дебор,и посебно Раул Вејнегем. Можеби би го додал и Џон Зерзан, Пјер кластр и Боб Блек.

Ivica Bocevski said...

А, бе, ајде што го немавме никаде во историјата целото анархистичко движење и теорија, ама ако добро се сеќавате ја учевме европската 1848 година како година на работнички револуции ширум Европа, а овие случувања во суштина се либерални и национални (некаде и националистички) револуции. Да не зборуваме, пак, за либералните и конзервативните автори од оваа ера кои ги нема по нашите учебници.
Инаку, како еден ситен детал, знае ли некој кога за последен пат било дозволено во Москва (по револуцијата) да се вејат анархистички знамиња?

Игор Стојановски said...

Баш пред некој ден гледав на „Дискавери цивилизејшн“ емисија за ослободителните војни во рамиките на Втората светска војна.

Чудно ми беше како од поинаков аспект, поинаку од она нас што не учеле по часовите Историја во образованието, беа протолкувани партизаните и Народно ослободителната војна.

Како први анти-фашитички герилски групи во емисијата на „Дискавери“ беа спомнати четниците и усташите.... не ми се веруваше што гледам и слушам.

Улогата на титовите паризани беше сведена на понезначајна борба во глобалната камапања против Нацистичката алијанса, сосема спротивно ос она што ние сме учеле.

Па се прашувам дали јас сум бил индоктриниран според комунистичката идеологија, иако средно завршив по осамостојување на Македонија, или британците создале чиста пропагандна емисија со која тие индоктримнираат и ја препишуваат историјата според своите политички интереси користејќи ги сателитските „ентертејнмент“ канали...


Навистина не знам...:(