Гугл-трендс за забава и знаење

Новата алатка на Гугл што ги покажува трендовите за тоа колку луѓето бараат нешто на интернет е многу полезна во дознавањето колку ние го интересираме светот.

Следат неколку примери, во кои Македонија е секогаш означена со црвена боја:

• Koj е лидер на Западен Балкан?
• Колкав е интересот за земјите-кандидатки за ЕУ?

Комшиски мерења, или „кој е појак“:

• Македонија или Грција?
• Македонија или Србија?
• Македонија или Бугарија?
• Македонија или Албанија?
• Македонија или Косово?!

Кога сме кај комшиски, да видиме

• кој е главен град во Македонија?
• Во претходниот графикон Тетово не фигурира, но затоа има интерес за Тетова.
• Од друга страна, Скопје е почесто барано од Шкупи.
  

Главен град на Балканот за 2005
(Во неколку продолженија, оти Гугл дава максимум од пет поими - последниот од претходното е прв во наредното. Ја избрав 2005 оти интересот за Атина во 2004 г. доведува до екстремно висок просек за неа.):

• Истанбул, Атина, Софија, Загреб, Сараево...
• Љубљана, Белград, Букурешт, Скопје...
• Тирана, Приштина, Подгорица.

• Бонус, Скопје наспроти регионалните центри Солун и Нови Сад.

Онака, од општа култура, добро е да се знае колку луѓето се интересираат за опциите на некои вечни дилеми:

• Војна и мир?
• Љубов и омраза?
• Секс, дрога или рок енд рол?

И не се мачете доколку се прашувате дали светот го интересира дали ќе биде СДСМ или ВМРО, Бучковски или Груевски, Али или Арбен, или пак некој претседател на Македонија... За ваквите се добива порака „Your terms... do not have enough search volume to show graphs“.

Единствените Македонци кои го заинтересирале светот не се блогери, туку се поврзани или со Евровизија, или со Моторола.