Секој ден, во секој поглед, напредуваме сè повеќе

Очекувам наскоро Берово да биде прогласено за град со најголемо количество на кислород во светот, или макар, Европа - барем за домашна употреба.

• Сајт на локален хотел: „...високиот степен на концентрација на кислород во воздухот (највисок во Македонија)...“
• Вест на Канал 4 од 17.01.2009: „Берово е град со највисока концентрација на кислород во воздухот на Балканот.“

Патриотското самозалажување настрана, иако обата извори не нудат врз основа на кое мерење се добиени податоците, интересно е ако планинско место со 986 m надморска височина навистина има висока концентрација на кислород во споредба со пониски места во земјава, ако се земе предвид дека „Колку повеќе се качуваме во височина, количеството на кислород се намалува и атмосферата станува се понеподнослива за дишење“ (Википедија: Атмосфера).