Блекаут

16 February 2006

Како до „е со цртичка“ и други букви со надредени знаци?

Гледам дека некои блогери и коментатори не го користат македонското „е со цртичка“ односно надреден знак, особено во зборчето „сè“ (кое е еквивалент на српското „све“), па еве кратко упатство како да се постигне тоа:
  • Ако не ви се чачка во кôдот, ископирајте некое „è“ од текстов и вметнете си го во својот текст.
  • Ако ви се чачка во ХТМЛ-кôдот, внесете è на местото на посакуваната буква.
Исто така, ако вметнувате буква од „карактер мап“ или преку опцијата „инсерт симбол“ во програма за обработка на текст, имајте на ум дека нашето „è“ е со цртичка наведната налево (ваше лево). Таму може да се нудат и други комбинации.

Истото важи и за „о со капа“, кое се употребува во „ôд“ (чекор), а во српскиот сум го сретнувал често и во „кôд“, па веројатно и кај нас по аналогија би требало да се користи. Неговиот ХТМЛ-кôд е ô.

За жал, меѓународните кодни табели не го предвидуваат нашето „и со цртичка“, и тоа цртичка како од è-то. Има некои други и-овци, но не ги бива. Во овој случај сметам дека не е крив Мајкрософт, туку нашите научни институции или државни бироа за стандардизација кои не го искомуницирале овој карактер на светско ниво.

Имам чуено дека дечките од Слободен софтвер Македонија имаат најдено некое решение во рамките на нивната заедница - за Линукс, ако некој знае детали, нека пише во коментар или по имејл.

Во текстовите на веб-магазинот Агора на времето решивме да вметнуваме мала сликичка () со и испишано со дифолт фонтот од сајтот, што во основа изгледа океј, ама е сепак „крпено“ решение. Доколку користите фонт Тахома 10 или 11 ќе го личи, или ако го ископирате во „WYSWYG“ едитор, додека адресата на сликичката што треба да се вметне во кôдот е http://www.agora.org.mk/images/tekstovi/i.gif.

Дополнето! Види коментари.

14 comments:

GoodBytes said...

Од сите Microsoft стандардни фонтови (фонтови кои доаѓаат со Windows), единствено Tahoma го има нашето „и со цртичка“ и тоа во unicode множеството. Тоа лесно се проверува со Word, преку Insert + Symbol.

Значи, проблемот е до тоа што некои фонтови не го вклучуваат ова ѝ во себе.

Во HTML документ, може да се користи unicode кодот на буквите:

Ѝ = & #1037;
ѝ = & #1117;

Заради Internet Explorer, а можеби и за некој друг browser (Firefox и Opera не би требало да го имаат овој проблем), најдобро е да се подеси следново:

<meta http-equiv="Content-Type" content="text/html; charset=UTF-8" />
<style type="text/css">
body {font-family: Tahoma, Helvetica, Sans-serif;}
</style>

Или со други зборови, да се подеси UTF-8 енкодинг и Tahoma како прв фонт. Ова ќе гарантира дека на секој браусер буквите ќе се прикажуваат како што треба.

GoodBytes said...

&_e_g_r_a_v_e_;
&egrave;

Наместо &, ставаш &amp;

Razvigor said...

Фала многу, со финтата со ампресандот проработе.

Anonymous said...

не пишуваме „о“ со капа туку исто со цртичка :)

Anonymous said...

Ѝ = & #1037;
ѝ = & #1117;

GoodBytes примерот не функционира се гледаат коцкички а не букви :)

Razvigor said...

Анонимци: о е со капа (ô), а кодовите работат.

Anonymous said...

не бе не се гледаат , коцки се , нешто грешиш

Anonymous said...

со капа или со црта кај се проверува како се пишува?

Razvigor said...

Анонимецу, мене ми се појавуваат букви, а не коцки. Пробав и на Блогерај - и таму излегуваат фино.

Дали е цртичка или капа, се гледа во правопис на македонскиот јазик. Книгата ја немам при рака, но ќе ја најдам утре и презентирам најденото.

Anonymous said...

обавезно провери ако можеш, срамота нема сајт за целосен правопис на македонски јазик, а коцки се гледаат, немам зошто да те лажам , а ник пробав (на other)ама анонимец пишува автоматски :)

GoodBytes said...

Можно е некој да не ги гледа unicode знаците како што треба. Само треба да го лоцираме проблемот, да видиме што му фали. Ова се некои од прашањата:

1. Кој оперативен систем го имаш?
2. Кој браусер го користиш?
3. Дали имаш инсталирано кирилична поддршка?

Anonymous said...

провери ли во македонски правопис?

кога прашав каде може да се провери мислев каде на интернет може да се провери пошто при рака немаме македонски правопис

Anonymous said...

Код ВО НИКОЈ СЛУЧАЈ со капче, пошто на српски код значи кај, а код со капче на српски си значи CODE. е сега од се пиши со капче, а немаме о со надреден знак (на кој му текна бе ова?). не да бидам дрзок, ама правописо ни е прост (зато не пишам ни јас правописно)... Глејте вака, имате и со „црта“, е со „црта“ и плус о со „капче“. А имаме ние и наводници ама никој не ги користи долните отворени и горните затворени.

Razvigor said...

Анонимусе, според правописот се покажа дека о е со цртичка, на капче.