Блекаут

11 February 2006

Насоки за употребливи блогови

Ја поздравувам иницијативата на Анти за пренос на знаења за блогерите кои негуваат амбиции за надминување на „примордијалната фаза“, во која „сè уште не можат да артикулираат разбирлива порака, читлива содржина, а со тоа не можат и да привлечат постојана публика“.

При тоа, го препорачувам написот „Употребливост на блогови: десет најчести грешки во дизајнот“ (Weblog Usability: The Top Ten Design Mistakes) на гурото на употребливоста, Јакоб Нилсен, кој смета дека:
Блоговите се често премногу интерно фокусирани и ги игнорираат клучните прашања од областа на употребливоста, со што им отежнуваат на новите посетители да го разберат и да му веруваат на авторот.
Нилсен изложува низа емпириски проверени работи со кои поголем број од разумните луѓе би се сложиле оти се многу логични, но ретко кој на нив обрнува внимание. Некои од нив веќе биле предмет на дискусија кај нас, како потребата од зголемено линкување, а за четвртото прашање „линкови кои не кажуваат каде водат“ може да прочитате во блогерската рубрика од денешниот број на „Форум плус“ (за жал моментално недостапен на интернет).

1 comment:

strugaboy said...

Здраво!
Јас како новопечен блогер имам потреба од познавање на некои основни работи (на пр.:како може да се регистрира нов член од негов компјутер и сл.). Знам дека по „малку“ звучам смешно ама секоја помош ми е добродојдена.
Тенк Ју Вери Мач