Блекаут

17 October 2006

За зголемување на влијанието на блогерите во Македонија

RiskВо врска со моето прашање за влијанието на блогерите во Македонија, Рибаро ме спореди со неверниот Свети апостол Тома. Дискусијата се прошири и кај Вклучи се.

Воопшто немам сомнеж во потенцијалот на блогерството како медиум. Арно ама, добро е да расчистиме: мислев на тековното влијание на блогерите во Македонија. Иако имавме скоро „скандинавски избори“, сепак како што рече и Дарко во коментар кај Рибаро, случајот од Шведска не може да се искористи како аргумент. Во поразвиениот свет има многу случаи на блогери што предизвикале политички и општествени ефекти, од кој најопиплив е финансирањето на кампањата на американскиот претседателски кандидат Хауард Дин во 2003-4 г. Арно ама, прашањето ми е до кој степен е стигната моќта на блогерите во Македонија - и како таа да се зголеми.

Мислам дека оние кои имаа коментари за емисијата „Сузе“ на А1 би требало истите да ги испратат и по е-пошта до редакцијата - да видат тамошните одговорни лица дека темата побудува интерес. Тоа би можело да доведе и поголема промоција на блогерите што ќе реагираат. Може да стават и коментар на својот блог, а да им пратат линк...

Дигресија: денот на Св. Тома е задутре, на 19 октомври.

2 comments:

Anonymous said...

како што пишав кај мене во коментари:
Се надевам дека сум сватен како што треба. Тоа дека ми се погоди „Неверни “ Развигор со Неверни Тома, ми се погоди,:) ама за датумот не знаев..

Развигор said...

И јас не знаев, дознав од календарот на МПЦ додека ја барав приказната за Тома.